క్యూ4 ఫలితాలు కీలకం

 స్టాక్‌ మార్కెట్లను ఈ వారం కార్పొరేట్‌ ఆర్థిక ఫలితాలు ప్రధానంగా నిర్దేశించగలవని నిపుణులు అంచనా వేస్తున్నారు. గత ఆర్థిక సంవత్సరం (2019-20) చివరి త్రైమాసికానికి(జనవరి-మార్చి)గాను కార్పొరేట్‌ సంస్థలు ఆర్థిక ఫలితాలను వెల్లడిస్తున్న విషయం తెలిసిందే. దీంతో వీటి ఆధారంగా మదుపరులు తమ పెట్టుబడులపై ఓ నిర్ణయానికి రావచ్చని విశ్లేషకులు చెప్తున్నారు. అలాగే దేశవ్యాప్తంగా కరోనా కేసులు, అంతర్జాతీయ పరిణామాలూ ముఖ్యమేనని అంటున్నారు. మరోవైపు సోమవారం స్థూల ఆర్థిక, పీఎంఐ గణాంకాలు కూడా విడుదల అవుతుండటంతో మార్కెట్‌ సెంటిమెంట్‌పై వీటి ప్రభావం కూడా ఉండే వీలున్నది.